ប្រកាសតែងតាំង និងផ្ទេភារកិច្ចអភិបាលខណ្ឌចំនួន៨ នៅក្នុងរដ្ឋបាលរាជធានីភ្នំពេញ

 

 

រាជធានីភ្នំពេញ៖ នៅរសៀលទី១៩ខែសីហាឆ្នាំ២០២២នេះ រដ្ឋបាលរាជធានីភ្នំពេញ មានរៀបចំពិធីប្រកាសតែងតាំង និងផ្ទេភារកិច្ចចំនួន៨ខណ្ឌ ក្នុងចំណោម១៤ខណ្ឌ ក្រោមឱវាទរដ្ឋបាលរាជធានីភ្នំពេញ ។ ពិធីនេះធ្វើឡើងនៅសាលារាជធានីភ្នំពេញ ស្ថិតក្នុងអធិបតីភាព លោក ម៉ប់ សារិន ប្រធានក្រុមប្រឹក្សា រាជធានីភ្នំពេញ និង លោក ឃួង ស្រេង អភិបាលនៃគណ:អភិបាលរាជធានីភ្នំពេញ។ 

ពិធីតែងតាំង និងផ្ទេរភារកិច្ចនោះមានចំនួន៨ខណ្ឌដូចមានរាយនាមខាងក្រោម៖

១-លោក ហែម ដារិទ្ធិ ពីអភិបាលខណ្ឌពោធិ៍សែនជ័យ ទៅជាអភិបាល នៃគណៈអភិបាលខណ្ឌមានជ័យ ។

២-លោកធីម សំអាន ពីអភិបាលខណ្ឌបឹងកេងកង ទៅជាអភិបាលខណ្ឌ ព្រែកព្នៅ។ 

៣-លោក សុខ សម្បត្តិ ពីអភិបាលខណ្ឌ ព្រែកព្នៅ ទៅ អភិបាលខណ្ឌបឹងកេងកង។ 

៤-លោក លឹម សុភា ពីអភិបាលខណ្ឌ៧មករា ទៅ អភិបាលខណ្ឌជ្រោយចង្វារ។ 

៥-លោកថេង សុថុល ពីអភិបាលខណ្ឌចំការមន ទៅអភិបាលខណ្ឌ៧មករា។ 

៦-លោក សក់ ចន្ទ័ កញ្ញារិទ្ធ ត្រូវបានតែងតាំងជា អភិបាលខណ្ឌពោធិសែនជ័យ។ 

៧-លោក កៀង ល័ក្ខ ត្រូវបានតែងតាំងជាអភិបាលខណ្ឌចំការមន។ 

៨-លោក ជា ខេមា ត្រូវបានតែងតាំងជា អភិបាលខណ្ឌដូនពេញ៕