នារសៀលថ្ងៃចន្ទ ៦រោច ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៤ ខែមករា ឆ្នាំ ២០២១ នេះ

 

លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត បានដឹកនាំមន្ត្រីក្រោមឱវាទនាំយកទឹកបរិសុទ្ធចំនួន ៩០០យួរ ដើម្បីចែកជូនដល់កងកម្លាំងចម្រុះទាំង ៩អង្គភាព  ដែលកំពុងឈរជើងប្រចាំការនៅគោលដៅតាមបណ្តោយខ្សែរបន្ទាត់ព្រំដែនកម្ពុជា-ថៃនៅភូមិសាស្ត្រក្រុងប៉ោយប៉ែត ក្នុងបេសកកម្មទប់ស្កាត់ការឆ្លងដែនខុសច្បាប់ ដែលអាចនាំឱ្យមានការចម្លងជំងឺកូវីដ-១៩ ចូលក្នុងសហគមន៍ជាយថាហេតុ ។ 

កម្មវិធីបានការផ្តល់កិត្តិយសអញ្ជើញចូលរួមដោយឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ តំណាងឯកឧត្តម អ៊ុំ រាត្រី អភិបាលនៃគណអភិបាលខេត្ត។

អង្គភាពដែលត្រូវបានឧត្ថម្ភទឹកសុទ្ធជូនរួមមាន៖

២- ការិយាល័យទំនាក់ទំនងព្រំដែន ចំនួន១០០យួរ

៣- កងពលតូចលេខ៥១ ចំនួន១០០យួរ

៤- វរៈនគរបាលការពារព្រំដែនគោក៩១១ចំនួន១០០យួរ

៥- វរៈនគរបាលការពារព្រំដែនគោក៨៩១ចំនួន១០០យួរ

៦- អធិការដ្ឋាននគរបាលក្រុង ចំនួន១០០យួរ

៧- មូលដ្ឋានកងរាជអាវុធហត្ថក្រុងចំនួន១០០យួរ

៨- ផ្នែកសឹករងក្រុងចំនួន១០០យួរ

៩- នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត ចំនួន១០០យួរ

- កងពលតូចថ្មើរជើងលេខ៥១៣

ចំនួន១០០យួរ ។

ចេញផ្សាយថ្ងៃ:Tuesday, January 05, 2021 rsatv-news.com