Sunday, September 13, 2020

ព្រឹកថ្ងៃអាទិត្យ ១១រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែកញ្ញា ឆ្នាំ ២០២០

អ្នកទស្សនា: Views
អ្នកនិពន្ធ:





ឯកឧត្តម ភឹម ភីរ៉ា អភិបាលរងខេត្ត និងជាប្រធានក្រុមការងារចុះមូលដ្ឋានស្រុកឆ្លូង ឯកឧត្តម ខ័ណ្ឌ ចំណាន និងលោកជំទាវ ធីម ដានី សមាជិកក្រុមប្រឹក្សាខេត្ត និងមន្ត្រីរាជការក្រោមឱវាទ អញ្ជើញចូលរួមកាន់បិណ្ឌវេនទី១១ នៅវត្តចំនួន២ វត្តហាន់ជ័យលើ និងវត្តហាន់ជ័យក្រោម នៃឃុំហាន់ជ័យ ស្រុកឆ្លូង ខេត្តក្រចេះ។

នាឱកាសនេះ ឯកឧត្តម ព្រមទាំងថ្នាក់ដឹកនាំ មន្ត្រីរាជការក្រោមឱវាទ បានប្រណិប័តន៍តាមប្រពៃណីទំនៀមទម្លាប់ ប្រារព្វពិធីបង្សុកូលឧទ្ទិសកុសលផលបុណ្យជូនដល់ដួងវិញ្ញាណក្ខន្ធដូនតា ញាតិទាំង ៧សន្តាន ឧបការីជនដែលបានចែកឋាន និងបុព្វបុរសស្នេហាជាតិដែលបានលះបង់ជីវិតដើម្បីជាតិ មាតុភូមិ និងប្រជាជន សូមឲ្យបានទៅសោយសុខក្នុងឋានបរមសុខ និងសុគតិភពតរៀងទៅ។

ឯកឧត្តម បាននាំយក ទេយ្យវត្ថុ និងបច្ច័យក្នុង១វត្តចំនួន១.១០០.០០០រៀល ប្រគេនព្រះចៅអធិការដើម្បីកសាងក្នុងទីអារាមវត្ត។ ចេញផ្សាយថ្ងៃ:Sunday, September 13, 2020 rsatv-news.com