ដោយមានការយកចិត្តទុកដាក់ពីលោកអភិបាល​ នៃគណៈអភិបាលខណ្ឌចំការមន​ ចំពោះការងារសន្ដិសុខ សណ្ដាប់ធ្នាប់សាធារណៈ និងអនាម័យបរិស្ថាន ក្នុងឱកាសថ្ងៃកាន់បិណ្ឌ​ នៃពិធីបុណ្យភ្ជុំបិណ្ឌ នៅតាមបណ្ដាវត្តអារាមក្នុងមូលដ្ឋានខណ្ឌចំការមន

នៅព្រឹកថ្ងៃព្រហស្បតិ៍ ១រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែកញ្ញា ឆ្នាំ២០២០

រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌចំការមន បានចុះត្រួតពិនិត្យការងារសន្ដិសុខ សណ្ដាប់ធ្នាប់សាធាណៈ និងអនាម័យបរិស្ថាន ក្នុងឱកាសថ្ងៃកាន់បិណ្ឌ​ នៃពិធីបុណ្យភ្ជុំបិណ្ឌ តាមបណ្ដាវត្តទាំង ០៤ (វត្តទួលទំពូង, វត្តថាន់, វត្តស្វាយពពែ, វត្តប្រយូវង្ស) ក្នុងមូលដ្ឋានខណ្ឌចំការមន ដើម្បីធានាសុវត្ថិភាពដល់បងប្អូនប្រជាពលរដ្ឋដែលអញ្ជើញមកប្រគេនចង្ហាន់ និងតេយ្យវត្ថុដល់ព្រះសង្ឃ។

ជាមួយគ្នានោះផងដែរ លោកអភិបាល នៃគណៈអភិបាលខណ្ឌចំការមន បាននាំយកទឹកអាល់កុល និងម៉ាស ប្រគេនដល់វត្តចំនួន ០៤ ក្នុងមូលដ្ឋានខណ្ឌចំការមន ដោយក្នុង០១វត្តទទួលបានទឹកអាល់កុលចំនួន ០២កាន និងម៉ាសចំនួន ២០០ម៉ាស ដើម្បីប្រើប្រាស់ក្នុងថ្ងៃកាន់បិណ្ឌ ក្នុងការចូលរួមបង្ការ និងទប់ស្កាត់ការរីករាលត្បាតជំងឺកូវីដ១៩ ដោយមានការចូលរួមពីគណៈអភិបាលខណ្ឌ​ នាយករងរដ្ឋបាលខណ្ឌ​ លោក-លោកស្រីប្រធាន-អនុប្រធានការិយាល័យ-អង្គភាពពាក់ព័ន្ធ​ និងរដ្ឋបាលសង្កាត់ពាក់ព័ន្ធ។ ចេញផ្សាយថ្ងៃ:Thursday, September 03, 2020 rsatv-news.com