Wednesday, June 15, 2022

មេល្បែងស៊ីសងឈ្មោះ វ៉ាន់ មានខ្នងបង្អែករឹងមាំបើកសង្វៀនបញ្ជល់មាន់និងវង់អាប៉ោងទ្រង់ទ្រាយធំក្នុងចម្ការកៅស៊ូ ភូមិគីឡូម៉ែត្របី ឃុំព្រែកកក់ លោក ឯម វឌ្ឍនា អធិការនគរបាលស្រុកស្ទឹងត្រង់មិនចាត់វិធានការបង្ក្រាប?

អ្នកទស្សនា: Views

 


១៥  ០៦  ២០២២

ស្រុកស្ទឹងត្រង ប្រជាពលរដ្ឋបាននិយាយថា​ មេល្បែងស៊ីសងឈ្មោះ វ៉ាន់ មានខ្នងបង្អែករឹងមាំ ទើបអាចបើកសង្វៀនបញ្ជល់មាន់ និងវង់អាប៉ោងក្នុងចម្ការកៅស៊ូ ភូមិគីឡូម៉ែត្របី ឃុំព្រែកកក់ ស្រុកស្ទឹងត្រង់ ដោយគ្មានសមត្ថកិច្ចណាប៉ះពាល់។ ទន្ទឹមនឹងនេះបើគ្មានការបើកដៃពីមន្រ្តីអាជ្ញាធរ និងសមត្ថកិច្ចមូលដ្ឋានថ្នាក់ឃុំ ថ្នាក់ស្រុក ទេនោះគឺបុគ្គលឈ្មោះ វ៉ាន់ មិនអាចបើកល្បែងស៊ីសងខុសច្បាប់ក្នុងឃុំព្រែកកក់ តាមអំពើចិត្តបានឡើយ។ ហេតុនេះហើយទើបប្រជាពលរដ្ឋអំពាវនាវឲ្យលោកឧត្ដមសេនីយទោ ឯម កុសល្យ ស្នងការនគរបាលខេត្តកំពង់ចាម និងលោក អ៊ុន ចាន់ដា អភិបាលខេត្តកំពង់ចាម ចាត់វិធានការបង្ក្រាបល្បែងស៊ីសង នៅឃុំព្រែកកក់ ស្រុកស្ទឹងត្រង់ ឲ្យបានឆាប់។

សេចក្ដីរាយការណ៍ពីប្រជាពលរដ្ឋនៅភូមិគីឡូម៉ែត្របី ឃុំព្រែកកក់ ស្រុកស្ទឹងត្រង់ ខេត្តកំពង់ចាម បានឲ្យដឹងថា ក្នុងមូលដ្ឋានពួកគាត់មានបុគ្គលម្នាក់ឈ្មោះ វ៉ាន់ នៅតែបើកសង្វៀនបញ្ជល់មាន់ និងវង់អាប៉ោងទ្រង់ទ្រាយធំ ដំណើរការយ៉ាងពេញបន្ទុកគ្មានញញើតអ្វីទាំងអស់។ ក្នុងមួយថ្ងៃៗមានអ្នកចូលរួមលេងល្បែងបញ្ជល់មាន់ និងអាប៉ោង យ៉ាងគគ្រឹកគគ្រេង ហើយនាយប៉ុស្តិ៍នគរបាលរដ្ឋបាលឃុំព្រែកកក់ ក៏ដូចជាលោក ឯម វឌ្ឍនា អធិការនគរបាលស្រុកស្ទឹងត្រង់ មិនចាត់វិធានការបង្ក្រាបល្បែងស៊ីសងដើម្បីពង្រឹងសន្តិសុខសង្គមនោះទេ។ ប្រការនេះកំពុងតែធ្វើឲ្យប្រជាពលរដ្ឋព្រួយបារម្ភយ៉ាងខ្លាំងពីបញ្ហាអសន្តិសុខសង្គម ព្រោះអំពើចោរកម្ម និងបទល្មើសផ្សេងៗកើតឡើងគួរឲ្យភ័យខ្លាច។

តាមប្រភពខ្លះបានឲ្យដឹងថាលោក ឯម វឌ្ឍនា អធិការនគរបាលស្រុកស្ទឹងត្រង់ អាងមានឳពុករបស់ខ្លួនគឺលោក ឯម កុសល្យ ស្នងការនគរបាលខេត្តកំពង់ចាម ជាបង្អែកដ៏រឹងមាំ ទើបហ៊ានធ្វើអ្វីៗតាមអំពើចិត្តតែម្ដង។ ហេតុនេះហើយទើបល្បែងស៊ីសងក្នុងស្រុកស្ទឹងត្រង់ រាលដាលពីឃុំមួយទៅឃុំមួយគ្មានទីបញ្ចប់ ហើយបច្ចុប្បន្នសង្វៀនបញ្ជល់មាន់ និងវង់អាប៉ោងរបស់បុគ្គលឈ្មោះ វ៉ាន់ កំពុងដំណើរការយ៉ាងរលូននៅក្នុងចម្ការកៅស៊ូ ភូមិគីឡូម៉ែត្របី ឃុំព្រែកកក់ ដោយគ្មានសមត្ថកិច្ចណាបង្ក្រាបឡើយ។ ដូច្នេះថ្នាក់ដឹកនាំក្រសួងមហាផ្ទៃ និងនាយឧត្ដមសេនីយ៍ នេត សាវឿន អគ្គស្នងការនគរបាលជាតិ​ គួរពិនិត្យឡើងវិញខ្លះផងជុំវិញករណីល្បែងស៊ីសងខុសច្បាប់កើតឡើងយ៉ាងរាលដាលគ្មានទីបញ្ចប់។បឋម




ថ្ងៃចេញផ្សាយ: Wednesday, June 15, 2022 | Categories:

Sunday, May 8, 2022

មេឈ្មួញជើងខ្លាំងល្បីល្បាញខាងដឹកជញ្ជូនឈើប្រណិតអត់ច្បាប់ប្រចាំស្រុកត្រពាំងប្រាសាទ ឈ្មោះ ប្អូន វ៉ាង គ្មានសមត្ថកិច្ចណាធ្វើការបង្ក្រាប

អ្នកទស្សនា: Views


ខេត្តឧត្តរមានជ័យៈ មេឈ្មួញចាស់វស្សាម្នាក់ឈ្មោះ ប្អូន វ៉ាង កំពុងតែកាក់កបយ៉ាងខ្លាំងក្នុងមុខជំនួញរកសុីដឹកជញ្ជូនឈើប្រណិតអត់ច្បាប់ ឡើងធ្វើមានបានដូរសេរីឡានគ្រប់មូដ។

ជាក់ស្តែងជារៀងរាល់ថ្ងៃរាល់ឆ្នាំកន្លងមកហើយ មេឈ្មួញជើងខ្លាំងឈ្មោះ ប្អូន វ៉ាង រូបនេះតែងតែធ្វើសកម្មភាពដឹកជញ្ជូនឈើប្រណិតគ្រប់ទិសទីកន្លែងនៅក្នុងស្រុកត្រពាំងប្រាសាទ ចូលទៅស្ដុកទុកនៅផ្ទះរបស់ខ្លួនក្នុងស្រុកត្រពាំងប្រាសាទ ខេត្តឧត្តរមានជ័យ និងដឹកបន្ដយកទៅលក់នៅតាមរោងសិប្បកម្មកែច្នៃនៅស្រុកត្រពាំងប្រាសាទ ដោយមិនដែលឃើញមានអស់លោកមន្ដ្រីជំនាញណាធ្វើការបង្ក្រាបឡើយ។

មហាជនគ្រប់មជ្ឃដ្ឋានបានលើកឡើងថា បើគ្មានការឃុបឃិតស៊ីសំណូកសូកប៉ាន់ពុករលួយ និងបើកដៃពីសំណាក់ អាជ្ញាធរ សមត្ថកិច្ច និងមន្ត្រីជំនាញពាក់ព័ន្ធ នៅក្នុងស្រុកនិងខេត្តទេនោះ គឺមេឈ្មួញនេះមិនអាចដឹកជញ្ជូនឈើប្រណិត បានយ៉ាងរលូនជារៀងរាល់ថ្ងៃរាប់ខែរាប់ឆ្នាំ តាមតែអំពើចិត្តបាននោះឡើយ ម្ល៉េះនិងត្រូវជៀសមិនផុតពីការចាប់បង្ក្រាបនោះទេ។

ប្រជាពលរដ្ឋក៏ដូចជាមហាជនជាច្រើនបានទទូចនិងសំណូមពរទៅដល់ ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និង ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន ព្រមទាំងមន្ដ្រីជំនាញថ្នាក់ជាតិទាំងអស់ មេត្តាជួយអន្តរាគមន៍ និងដាក់បទបញ្ជាដល់មន្ត្រីក្រោមឱវាទ ឲ្យជួយទប់ស្កាត់ចាប់បង្ក្រាបមេឈ្មួញឈ្មោះ ប្អូន វ៉ាង នេះផង បើពុំដូចច្នោះទេព្រៃឈើដែលនៅសេសសល់បន្តិចបន្តួចនេះ និងត្រូវរងនូវការរលាយហិនហាចខ្នេចខ្ទី ក្រោមស្នាដៃរបស់មេឈ្មួញរូបនេះ និងពួកឈ្មួញដ៏ទៃទៀតដាក់ជាពុំខានឡើយ៕





ថ្ងៃចេញផ្សាយ: Sunday, May 08, 2022 | Categories:

Friday, April 22, 2022

ក្រុមការងារ អាវុធហត្ថរាជធានីភ្នំពេញ នាំយកអំណោយចុះសួរសុខទុក្ខសមាជិកដែលទើបសម្រាលកូន!

អ្នកទស្សនា: Views

 


នៅរសៀលថ្ងៃទី២២ ខែមេសា ឆ្នាំ២០២២ កម្លាំងវរអន្តរាគមន៍ កងរាជអាវុធហត្ថរាជធានីភ្នំពេញ ដឹកនាំដោយ លោក អនុសេនីយ៍ឯក ប៉ឹង កំរឹត មេបញ្ជាការ វរអន្តរាគមន៍ តំណាងឲ្យ លោក វរសេនីយ៍ឯក  សៀ ទីន នាយសេនាធិការ កងរាជអាវុធហត្ថរាជធានីភ្នំពេញ បាននាំយកអំណោយចុះសួរសុខទុក្ខ លោកស្រី អនុសេនីយ៍ទោ  សុខ រ៉ានី ដែលបានសម្រាលកូនរួច នៅស្រុកកៀនស្វាយ ខេត្តកណ្តាល ។


ក្នុងឱកាសនោះក្រុមការងារបាននាំយកនូវ មី ១កេស, ត្រីខ ២យួរ, ភេសជ្ជៈខារាប៉ាវ ១កេស, ទឹកសុទ្ធ ០២កេស, ពូកកូនក្មេង ០១ កាធុនសម្រាប់មុជទឹកកូនក្មេង ០១,  កំប៉ុងទឹកដោះកូនក្មេង ០៦,  ឆុតអាវ ០៤, ឆុតមួក ០៤,  ស្បៃមុជទឹក ០១  និងថវិកាចំនួន ៥០០,០០០រៀល ជាអំណោយសួរសុខទុក្ខ និងទុកជាការចែករំលែក សម្រាលបន្ទុកគ្រួសារផងដែរ៕




ថ្ងៃចេញផ្សាយ: Friday, April 22, 2022 | Categories:

Thursday, April 21, 2022

ក្រុមការងារមូលដ្ឋានអាវុធហត្ថខណ្ឌព្រែកព្នៅ នាំយកថវិកា ចូលរួមរំលែកទុក្ខដល់គ្រួសារសមាជិកដែលឳពុកទទួលមរណៈភាព

អ្នកទស្សនា: Views

 



នារសៀលថ្ងៃទី២០ ខែមេសា ឆ្នាំ២០២២ ក្រុមការងារមូលដ្ឋានអាវុធហត្ថខណ្ឌព្រែកព្នៅ បាននាំយកថវិកាចំនួន ១,៤២០,០០០រៀល (មួយលានសែសិបពីរម៉ឺនរៀល), ទឹកសុទ្ធ០២កេស, អង្ករ០២ការ៉ុង, ភេសជ្ជៈ០២កេស ចូលរួមរំលែកទុក្ខដ៏ក្រៀមក្រំដល់ក្រុមគ្រួសារលោកអនុសេនីយ៍ត្រី ញ៉ូវ រតនា ជំនួយការមូលដ្ឋានខណ្ឌដែលឳពុក របស់លោកទទួលមរណៈភាព ដោយរោគាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕



ថ្ងៃចេញផ្សាយ: Thursday, April 21, 2022 | Categories:

ក្រុមការងារមូលដ្ឋានអាវុធហត្ថខណ្ឌពោធិ៍សែនជ័យ នាំយកថវិកា ចូលរួមរំលែកទុក្ខដល់គ្រួសារសមាជិកដែលម្តាយទទួលមរណៈភាព

អ្នកទស្សនា: Views

 



នារសៀលថ្ងៃទី១៩ ខែមេសា ឆ្នាំ២០២២ ក្រុមការងារមូលដ្ឋានអាវុធហត្ថខណ្ឌពោធិ៍សែនជ័យ បាននាំយកថវិកាចំនួន ២,៨0០,០០០រៀល (ពីរលានប៉ែតសិមម៉ឺនរៀល) ចូលរួមរំលែកទុក្ខដ៏ក្រៀមក្រំដល់ក្រុមគ្រួសារលោកវរសេនីយ៍ត្រី ម៉ត់ សុផៃ ជំនួយការមូលដ្ឋានខណ្ឌដែលម្តាយរបស់លោកទទួលមរណៈភាព ដោយរោគាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕

#អាវុធហត្ថរាជធានីភ្នំពេញ #


ថ្ងៃចេញផ្សាយ: Thursday, April 21, 2022 | Categories:

Wednesday, April 20, 2022

នាយប់ថ្ងៃទី១៩ ខែមេសា ឆ្នាំ២០២២

អ្នកទស្សនា: Views

 




















សកម្មភាពកម្លាំងអាវុធហត្ថរាជធានីភ្នំពេញ ចេញល្បាតពួនស្ទាក់ តាមបណ្តាភូមិសាស្ត្រសំខាន់ៗក្នុងរាជធានីភ្នំពេញ ដើម្បីសុខសុវត្ថិភាពនាពេលរាត្រីជួនបងប្អូនប្រជាពលរដ្ឋ។ 


ថ្ងៃចេញផ្សាយ: Wednesday, April 20, 2022 | Categories:

Sunday, April 17, 2022

ថ្ងៃទី១៧ ខែមេសា ឆ្នាំ២០២២ សកម្មភាពអាវុធហត្ថរាជធានីភ្នំពេញ

អ្នកទស្សនា: Views

 




















បានចេញជួយសម្រួលចរាចរណ៍ជូនបងប្អូនប្រជាពលរដ្ឋចូលភូមិសាស្ត្ររាជធានីភ្នំពេញ សម្រាប់ការធ្វើដំណើរវិលត្រលប់មកពីការកំសាន្ត និងស្រុកកំណើតតាមបណ្តាខេត្តនានាក្នុងព្រះរាជាណាចក្រកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ។


ថ្ងៃចេញផ្សាយ: Sunday, April 17, 2022 | Categories: