Sunday, November 27, 2022

មិនបានមួយចំអិនកំពឹសផង ល្បែងកន្ទុយលេខ(ឆ្នោតយួនឆ្នោតថៃ)បានកក្រើកឡើងវិញដដែលក្នុងក្រុងសៀមរាប

អ្នកទស្សនា: Views

 


ខេត្តសៀមរាប៖ នៅរសៀលថ្ងៃទី១៩ខែវិច្ឆិកា ឆ្នាំ២០២២នេះ ប្រភពប្រជាពលរដ្ឋក្នុងមូលដ្ឋានខេត្តសៀមរាបបានឲ្យដឹងថា ៖ នៅកណ្តាលក្រុងសៀមរាប ល្បែងកន្ទុយលេខ(ឆ្នោតយួន-ឆ្នោតថៃ) កំពុងតែរីកដុះដាលដូចផ្សិតវិញដដែលទីតាំងក្នុងផ្សារ(ចាស់តូបយាយហ៊ន+ក្រោយតូបយាយហួនកន្លែងលក់ម្ជូរ+តូបយាយម៉ាប់+ផ្លូវមុខពេទ្យទីតាំងកន្លែងវេរលុយទ្រូមុន្នីដកលុយយីហោ(ភីណា)ស្ថិតក្នុងភូមិមណ្ឌលមួយ និងផ្ទះយាយប្រួនក្នុងភូមិស្ទឹងថ្មី) ដែលស្ថិតក្នុងសង្កាត់ស្វាយបង្គំ ក្រុងសៀមរាបខេត្តសៀមរា


ប្រភពបន្តថាអាជ្ញាធរសមត្ថកិច្ជពាក់ព័ន្ធក្នុងមូលដ្ឋានបែជានាំគ្នារក្សាភាពស្ងៀមស្ងាត់ធ្វើមិនដឹងមិនលឺ ប្រហែលជាឆ្នាំងបាយរបស់អស់លោក ឬយ៉ាងណាទេ.! បើយោងប្រភពពីប្រជាពលរដ្ឋក្នុងមូលដ្ឋានដែលស្និតនឹងកូនកញ្ជ្រែងបានប្រាប់សារព័ត៌មានអង្គភាពយើងថា៖ល្បែងកត់កន្ទុយលេខទីតាំងខាងលើនេះមិនដែលបានឈប់សំរាកលេងម្ដងណាទេ..!គ្រាន់តែគេប្តូររូបភាពបិទបាំងកត់នៅក្នុងផ្ទះក្នុងតូបក្នុងបន្ទប់បាញ់កន្ទុយចាក់តាមទូរសព្ទ


បច្ចុប្បន្ននេះរីកដុះដាលបើកចំហជិតដូចដើមវិញហើយ ព្រោះមានថៅកែ ដែលជាមេល្បែងសុីសងដុះស្លែ កន្ទុយលេខ (ឆ្នោតយួន-ថៃ) ឈ្មោះ (ខ្លា )ព្រះនាម(E12)ជាមេខ្លោងក្នុងតំបន់ដែលមានឈ្មោះល្បីល្បាញប្រចាំខេត្តសៀមរាបជាយូរលង់មកហើយ បានប្រាប់ទៅកូនកញ្រែ្ចងកត់ឆ្នោត របស់ខ្លួនថា អោយកត់ និង ដើរលក់ឆ្នោតម៉ាសេរីទៅ សូមកុំខ្លាចព្រោះរូបគេរត់ការរួចអស់ហើយ គ្មានសមត្ថកិច្ចណាហ៊ានបង្ក្រាបទេ. សូម្បីតែ លោក ដា ចំរើន អធិការក្រុងសៀមរាប ក៏មិនហ៊ានបង្ក្រាបដែរ។ 


ជុំវិញរឿងរ៉ាវអួតអាងរបស់លោក ខ្លារហស្សនាម(E12)គួបផ្សំសកម្មភាពលេងយ៉ាងគគ្រឹកគគ្រេងផង អង្គភាពយើងខ្ញុំក៏ធ្លាប់បានទំនាក់ទំនងទៅអាជ្ញាធរមូលដ្ឋានលោកមេប៉ុស្ត៍និងលោកអធិការជាច្រើនដងដែរ តែចម្លើយតបមកវិញបានត្រឹមតែពាក្យថា(ចាំចាត់កម្លាំងឲ្យចុះទៅត្រួតពិនិត្យមើល)...


ប្រជាពលរដ្ឋដែលស្អប់ខ្ពើមល្បែងស៊ីសង អះអាងថាកន្លងមកនេះ អាជ្ញាធរសមត្ថកិច្ចក្នុងមូលដ្ឋាន មិនយកចិត្តទុកដាក់ ក្នុងការ បង្ការ ទប់ស្កាត់ទេ គឺបង្ក្រាប អោយតែល្អមើល មិនអនុវត្ត តាមប្រសាសន៍ដ៏ខ្ពង់ខ្ពស់ របស់សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា ហើយមិនទាន់បានមួយចំអិនកំពឹសផង ល្បែងចាក់កន្ទុយលេខ បាននឹងកំពុងដំណើរការ រីកដុះដាលដូចផ្សិត ក្នុងផ្សារ(ចាស់មុខពេទ្យខេត្តស្ថិតក្នុងភូមិមណ្ឌលមួយនិងផ្ទះយាយប្រួនស្តិតក្នុងភូមិស្ទឹងថ្មី)និងកន្លែងផ្សេងៗជាច្រើនទៀតនៅក្នុងក្រុងទាំងមូលបើកកត់ចាក់លេងបានយ៉ាងរលូនវិញដដែល។ 


ជាការពិតណាស់ល្បែងស៊ីសង់ (ឆ្នោតយួន-ឆ្នោតថៃ) គឺជាឃាតករឈាមត្រជាក់លាក់មុខ អាចពង្វក់អ្នកដែលញៀនលេងល្បែងកន្ទុយលេខ ក្លាយទៅជា ទាសករ មេឆ្នោត ដោយមិនដឹងខ្លួន.! ម្យ៉ាងវិញទៀត ល្បែងឆ្នោតនេះ បាននិងកំពុងបង្ករបង្កើតបទល្មើសចោរកម្មក្នុងមូលដ្ឋានដូចជា៖ចោរលួច--ឆក់-ប្លន់ ជាពិសេសកើតអំពើហិង្សាក្នុងគ្រួសារជាដើម។ល។ 


អាស្រ័យហេតុនេះពលរដ្ឋក្នុងមូលដ្ឋានក្រុងសៀមរាបមានការភ័យខ្លាច សូមសុំណូមពរ ដល់លោក នួន ពុទ្ធារា អភិបាលនៃគណៈអភិបាលក្រុងសៀមរាប និងឧត្តមសេនីយ៍ទោ តេង ចាន់ណាត ស្នងការដ្ឋានខេត្ត សូមមេត្តាដឹកនាំកម្លាំងគណ:បញ្ជាការឯកភាពចុះត្រួតពិនិត្យ និង ធ្វើការបង្ក្រាប ទីតាំង ឆ្នោតយួន-ថៃ ក្នុងចំណុចផ្សារ(ទីតាំងខាងលើ) ក៏ដូចជាក្នុងក្រុងសៀមរាប ទាំងមូល តាមអនុសាសន៍ដ៏ខ្ពង់ខ្ពស់របស់ សម្ដេចតេជោ (ហ៊ុន  សែន) និង សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីចូលរួមចំណែកបញ្ចៀសអំពើចោរកម្មផ្សេងៗ និងធានាបាននូវភូមិឃុំមានសុវត្ថិភាពទាំង៧ចំណុច ជូនប្រជាពលរដ្ឋក្នុងខេត្តសៀមរាប ទាំងមូល ផងទាន។

អង្គភាពយើងខ្ញុំរង់ចាំទទួលនូវការបកស្រាយបំភ្លឺពីរភាគីពាក់ព័ន្ធរាល់ម៉ោងធ្វើការ៕










ថ្ងៃចេញផ្សាយ: Sunday, November 27, 2022 | Categories:

Saturday, November 26, 2022

ស្នងការនគរបាលខេត្តបាត់ដំបង នឹងបើកការស៊ើបអង្កើតទង្វើមេប៉ុស្តិ៍នគរបាលឃុំដូនបា ស្រុកគាស់ក្រឡ បំពានច្បាប់ជាតិ

អ្នកទស្សនា: Views

 







បាត់ដំបង៖  លោក ចាន់ ពិសិដ្ឋ មេប៉ុស្តិ៍នគរបាលរដ្ឋបាលឃុំដូនបា ស្រុកគាស់ក្រឡ នឹងប្រឈមមុខវិធានការផ្លូវច្បាប់ ក្នុងទង្វើលោកប្រព្រឹត្តបំពានច្បាប់នៅក្នុងដែនសមត្ថកិច្ចរបស់ខ្លួន ដោយចូលកាន់កាប់ និងលួចលក់ទ្រព្យស្បត្តិស្របច្បាប់របស់អ្នកដទៃ។


វិធានការផ្លូវច្បាប់បែបនេះរបស់ស្នងការនគរបាលខេត្តបាត់ដំបង ត្រូវបានលោកវរសេនីយ៍ឯក អ៊ឹម កុសល អ្នកនាំពាក្យស្នងការដ្ឋាននគរបាលខេត្តបាត់ដំបង  លើកឡើងកាលពីថ្ងៃទី២៤ ខែវិច្ឆិកា ឆ្នាំ២០២២នេះថា ស្នងការនគរបាលខេត្តនឹងបើកការស៊ើបអង្កេតលើលោក ចាន់ ពិសិដ្ឋ មេប៉ុស្តិ៍នគរបាលរដ្ឋបាលឃុំ បន្ទាប់ទទួលរងកាចោទថា បានទន្ទ្រានកាន់កាប់ និងលួចលក់ដីរបស់អ្នកដទៃ ទាំងរំលោភច្បាប់ ដែលលោកធ្លាប់ដឹង។


ទង្វើខុសច្បាប់របស់លោក បានលេចឡើងនៅពេលអ្នកសារព័ត៌មានស៊ើបអង្កេតពីកម្មសិទ្ធិដីស្របច្បាប់របស់ក្រុមហ៊ុន អេហ្រ្គី ខ័លឈ័រ ហ្រ្គីនហ្វៀល ដែលជាក្រុមហ៊ុនរកស៊ីនៅក្នុងព្រះរាជាណាចក្រកម្ពុជា រាប់ទសវត្សរ៍ ទើបបានដឹងពីទង្វើល្មើសច្បាប់របស់លោកមេប៉ុស្តិ៍នគរបាលឃុំដូនបា តាមរយៈការស្រាវជ្រាវ ហើយទទួលបានឯកសារជាច្រើន។


ការស្រាវជ្រាវបានរកឃើញឯកសារទិញ-លក់ដី ចុះថ្ងៃទី២៤ ខែមេសា ឆ្នាំ២០១៥ និងចុះហត្ថលេខាដោយលោក អ៊ុក សារឿន មេឃុំឆ្នាល់មាន់ បានបង្ហាញថា តំណាភាគីក្រុមហ៊ុនបានសហការជាមួយអាជ្ញាធរឃុំឆ្នាល់មាន់ និងបានពិនិត្យលើទីតាំងដីជាក់ស្តែង ហើយបានដឹងពីបុគ្គលមួយចំនួនកំពុងធ្វើសកម្មភាពរំលោភបំពានយកដីក្រុមហ៊ុនវិនិយោគបរទេស ដែលក្នុងនោះក៏មានឈ្មោះ លោក ចាន់ ពិសិដ្ឋ នាយប៉ុស្តិ៍នគរបាល ឃុំដូនបា ផងដែរ។


ចំណែកប្រជាពលរដ្ឋ និងអាជ្ញាធរមូលដ្ឋាន ក្នុងឃុំដូនបាវិញ បានរៀបរាប់ប្រាប់ថា លោក ចាន់ ពិសិដ្ឋ មេប៉ុស្តិ៍ឃុំដូនបា កំពុងតែកាន់កាប់ និងបានលួចលក់ដីក្រុមហ៊ុនលក់ឯកជនទាំងបំពានច្បាប់មែន។


តាមច្បាប់ស្តីពីនគរបាលជាតិ លោក ចាន់ ពិសិដ្ឋ គឺជានគរបាលយុត្តិធម៌ តាមរយៈការបណ្តុះបណ្តាលចំណេះដឹងផ្នែកច្បាប់ជាមូលដ្ឋាន ដើម្បីចេះដោះស្រាយបញ្ហាជូនប្រជាពលរដ្ឋ។


អ្នកភូមិដែលយល់ច្បាប់ និងអាជ្ញាធរមូលដ្ឋាន ដែលស្គាល់មេប៉ុស្តិ៍រូបនេះ បានបកស្រាយបែបចំអកថា លោក ចាន់ ពិសិដ្ឋ ជាអ្នកចេះដឹងផ្នែកច្បាប់ម្នាក់ដែរ តែបែរជាថ្លើមធំពាសមេឃ ហ៊ានចូលកាន់កាប់ និងលួចលក់ទ្រព្យសម្បត្តិស្របច្បាប់របស់អ្នកដទៃ យ៉ាងគឃ្លើន  និងកំពុងតែជាន់ឈ្លីបទបញ្ជារបស់ថ្នាក់ដឹកនាំនៃព្រះរាជាណាចក្រកម្ពុជា ស្តីពីវិធានការគោរពច្បាប់ជាតិ។


ចំណែកប្រភពព័ត៌មានជាច្រើន បានបង្ហើបឲ្យដឹង

ផងដែរថា  កាលពីពេលកន្លងទៅថ្មីៗនេះ លោក ចាន់ ពិសិដ្ឋ ក៏ធ្លាប់បានអួតក្តែងៗថា រូបលោកពិតជាមានដីស្ថិតនៅលើដីក្រុមហ៊ុនឯកជនពិតប្រាកដមែន ហើយបានទិញ-លក់ ជាមួយអ្នកដទៃ ដោយមិនចាំបាច់ធ្វើលិខិតស្នាមក៏មានដែរ គ្រាន់តែចរចាគ្នា គឺប្រគល់លុយ រួចជាការស្រេច។ 


លោក ចាន់ ពិសិដ្ឋ មេប៉ុស្តិ៍នគរបាលរដ្ឋបាលឃុំដូនបា អត្តលេខ២១៨២០ មិនអាចសុំការបកស្រាយបំភ្លឺបានទេ នៅថ្ងៃទី២៥ ខែវិច្ឆិកា ឆ្នាំ២០២២នេះ ក្រោយពីប្រព័ន្ធផ្សព្វផ្សាយជាច្រើនបានផ្សាយទង្វើល្មើសច្បាប់របស់លោក។


ពាក់ព័ន្ធករណីនេះ នៅព្រឹកថ្ងៃទី២៤ ខែវិច្ឆិកា ឆ្នាំ២០២២  លោកវីសេនីយ៍ឯក អុឹម កុសល អ្នកនាំពាក្យស្នងការនគរបាលខេត្តបាត់ដំបង បានមានប្រសាសន៍ថា ស្នងការនគរបាលខេត្តបាត់ដំបង នឹងបើកការស៊ើបអង្កេតករណីលោក ចាន់ ពិសិដ្ឋ បានប្រព្រឹត្តទង្វើបំពានច្បាប់ ដោយចូលកាន់កាប់ និងលួចលក់ដីអ្នកដទទាំងបំពានច្បាប់។


តាមតម្រុយទទួលបានពីមន្ត្រីនគរបាលនៃស្នងការដ្ឋាននគរបាលខេត្តបាត់ដំបង បានឲ្យដឹងថា លោកឧត្តមសេនីយ៍ទោ សាត គឹមសាន  ស្នងការនគរខេត្តបាត់ដំបង នឹងចាត់បញ្ជូនមន្ត្រីអធិការកិច្ចឲ្យបើការស៊ើបអង្កេត និងមានវិធានការផ្លូវច្បាប់ លើមន្ត្រីនគរបាលជាតិ ដូចជាឈ្មោះ ចាន់ ពិសិដ្ឋ ដែលបាននិងប្រព្រឹត្តទង្វើបំពានច្បាប់៕


ថ្ងៃចេញផ្សាយ: Saturday, November 26, 2022 | Categories:

សង្កាត់និងផ្នែករដ្ឋបាលព្រៃឈើស្នាក់ការនៅភូមិកំពប់អំបិល ឃុំបឹងល្វា កំពង់បើកភ្លើងខៀវឲ្យថៅកែអុសខ្នាតយក្សដឹកជញ្ជូនឈេីស្រស់ៗពីតំបន់ព្រៃឡង់ឆ្ពោះទៅឆ្ពោះទៅទីក្រុងភ្នំពេញនិងតាមបណ្តាខេត្តយ៉ាងរលូន 25/11/2022

អ្នកទស្សនា: Views

 








ខេត្តកំពង់ធំ ÷ ប្រភពព័ត៌មានពីប្រជាពលរដ្ឋរស់នៅ ឃុំបឹងល្វា ភូមិត្រពាំងផ្ដៅ ស្រុកសន្ទុកខេត្តកំពង់ធំ បានរៀបរាប់ប្រាប់អ្នកសារព័ត៌មានយើងថាឡានបុកស័រដឹកជញ្ជូនចេញពីព្រៃក្នុងមួយថ្ងៃៗ រាប់មិនអស់តាមគោយន្ត ដឹកជញ្ជូនមកដាក់ឡានកុងទ័នរធំៗ ០៤គ្រឿង០៥គ្រឿងជារៀងរាល់ថ្ងៃពេលពួកគេដាក់អុសពេញហៀរលើសចំណុះចេញពីកន្លែងទីតាំងលើកអុស នៅឃុំបឹងល្វា ភូមិត្រពាំងផ្ដៅ ស្រុកសន្ទុក ខេត្តកំពង់ធំ។


ពួកគេដឹកជញ្ជួនចេញទៅគោលដៅគេទៅតាមបណ្ដាលខេត្តតែម្ដង ប្រភពព័ត៌មានពីប្រជាពលរដ្ឋបានបន្តទៀតថារាល់យប់ឡានដឹកអុសយ៉ាងគគ្រឹកកក្រេងហាក់ដូចមិនខ្លាចខូចផ្លូវព្រោះផ្លូវដែលនៅម្តុំស្រុកនោះខូចដោយសាឡានដឹកអុសធំៗនោះហើយប៉ះពាល់សំឡេងឮពេញភូមិសម្រានមិនលក់សោះប្រជាពលរដ្ឋបានបន្តទៀតថាចាប់ពីម៉ោង១២.ដល់២:៣០ នាទីគាត់មិនដែលដេកលក់ឡើយព្រោះ ថ្លង់សំឡេងគោយន្តដឹកអុសជាច្រើនគ្រឿង ចេញដង្ហែគ្នាពេលយប់ ។ ប្រជាពលរដ្នបានសំណូមពរដល់លោកអភិបាលនៃគណៈអភិបាលខេត្តកំពង់ធំ ឯកឧត្តម ងួន រតនៈ ចាត់កូនចៅក្រោមឱវាទចុះមកពិនិត្យនៅចំណុចដែលបានរៀបរាប់ខាងលើហើយសំណូមពរឲ្យជួយមើលថៅកែអុសខ្នាតយក្ស ដែលមានឈ្មោះរ៉េតនេះផងទាន!ជាពិសេសសូមសំនូមពរថ្នាក់ជាតិក្រឡេកមកមើលថៅកែអុសខ្នាតយក្សនៅចំណុចនោះគឺដឹកជញ្ជូនចេញពីព្រៃឡង់នៅចំណុច(ភូមិឃុំខាងលើនេះផង) បើមិនមានការទប់ស្កាត់ឬបង្ក្រាបទេព្រៃឈើត្រូវរលាយអស់។សូមលោកមេត្តាចាត់កូនចៅក្រោមឱវាទចុះមកមើលតាមការគួរផងទៅទាន ។


ថ្ងៃចេញផ្សាយ: Saturday, November 26, 2022 | Categories:

Wednesday, November 2, 2022

បុរសជាម្ចាស់រថយន្ត៥៧០ បាញ់សម្លាប់យុវជនម្នាក់ស្លាប់នៅតាមដងផ្លូវត្រូវបានសមត្ថកិច្ចឃាត់ខ្លួន

អ្នកទស្សនា: Views

 


ភ្នំពេញ៖ បុរសវ័យជាង៤០ឆ្នាំ ដែលជាម្ចាស់រថយន្ត 570 បាញ់សម្លាប់យុវជនម្នាក់ដែលជាមុខសញ្ញាស





ង្ស័យ ត្រូវបានកម្លាំងសមត្ថកិច្ច​ជំនាញព្រហ្មទណ្ឌ​សហការជាមួយនឹងកម្លាំងមូលដ្ឋាន ខណ្ឌសែនសុខធ្វើការស្រាវជ្រាវរហូតកំណត់មុខសញ្ញាបានឡោមព័ទ្ធផ្ទះជនសង្ស័យ។ ស្រាប់តែពេលនោះជនសង្ស័យក៏បានចេញមកសារភាពខ្លួននៅប៉ុស្តិ៍នគរបាលរដ្ឋបាលបឹងកក់ទី១ មូលដ្ឋានខណ្ឌទួលគោក។


យោងតាមចម្លើយសារភាពរបស់បុរសវ័យចំណាស់ជាម្ចាស់រថយន្ត lexus570 ដែលបានបាញ់ប្រហារលើយុវជនម្នាក់​នោះបានឲ្យដឹងថា​ខ្លួនកំពុងតែ​ជិះរថយន្តស្រាប់តែយុវជនដែលជាជនសង្ស័យបានជិះម៉ូតូ។មកប៉ះជាមួយនឹងរថយន្តរបស់គាត់ ហើយមិនឈប់ព្យាយាម​គេច បន្ថែមទៀតក៏ឮសំឡេង​ស្រែកមកថាចោរៗ ផងនោះ បានដកកាំភ្លើងបាញ់ចេញពីក្នុងរថយន្តបាញ់ ពីក្រោយបណ្ដាលឲ្យស្លាប់តែម្ដង។


បច្ចុប្បន្នបុរសជាជនដៃដល់ត្រូវបានកម្លាំងសមត្ថកិច្ចជំនាញប្រគល់ជូនសមត្ថកិច្ចមូលដ្ឋានខណ្ឌសែនសុខ ដើម្បីសួរនាំនិងកសាង​សំណុំរឿងចាត់ការតាមនីតិវិធី។


គួរបញ្ជាក់ផងដែរនៅវេលាម៉ោងម៉ោង០១និង២០នាទីរសៀលថ្ងៃទី០២ ខែវិច្ឆិកា ឆ្នាំ ២០២២ យុវជនម្នាក់ដែលគេសង្ស័យ​ថាជាមុខសញ្ញាគាស់ផ្ទះខណៈដែលកម្លាំងសមត្ថកិច្ចព្រហ្មទណ្ឌកម្រិតស្រានៃស្នងការដ្ឋាននគរបាលរាជធានីភ្នំពេញកំពុងតែតាម ភ្លាមនោះប្រហែលជាជនសង្ស័យដឹងមុនឬយ៉ាងណា បានព្យាយាមជិះគេចខ្លួន ស្រាប់តែមានបុរសម្នាក់​កំពុងតែជិះរថយន្តម៉ាក​លុចស៊ីស ៥៧០ បានដកកាំភ្លើងបាញ់ទៅលើយុវជនដែលគេសង្ស័យ ជាមុខសញ្ញាចោរពីក្រោយខ្នងបណ្ដាលឲ្យស្លាប់ភ្លាមៗនៅម្ដុំ សាលា IU ចំណុចផ្លូវលេខ ១០១១ កែងជាមួយនឹងផ្លូវលេខ១៩៧៨ មូលដ្ឋានសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។


តាមមន្រ្តីជំនាញបានឱ្យដឹងថាជនរងគ្រោះ ឈ្មោះ រិទ្ធិ ចិត្ត្រា អាយុ២៤ឆ្នាំ ស្នាក់នៅផ្លូវលំ ភូមិ រោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញត្រូវ២គ្រាប់ចំខ្នងធ្លាយមកទ្រូងដួលស្លាប់នៅលើចិញ្ចើមផ្លូវ។


តាមប្រភពព័ត៌មានបានឲ្យដឹងថានៅមុនពេលកើតហេតុកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ កំពុងតែល្បាតនិងច្បាមមុខសញ្ញាគាស់ផ្ទះ ភ្លាមនោះស្រាប់តែលេចមុខជនសង្ស័យ០២ នាក់ជិះម៉ូតូពីរគ្រឿង ដោយម្នាក់ជា​ម៉ូតូម៉ាកសង់ឌ្រីម និងម្នាក់ទៀតដែលជាជនរងគ្រោះបានស្លាប់គឺជិះម៉ូតូម៉ាកស្គុបពីពណ៌ខ្មៅ ពាក់ស្លាកលេខភ្នំពេញ 1JG ៤៧២៩ ត្រូវបានជនស៊ីវិលម្នាក់ដែលកំពុងតែជិះរថយន្តម៉ាកលុចស៊ីស 570 kuro ពណ៌ខ្មៅ បានដកកាំភ្លើងបាញ់​ទៅលើយុវជនដែល​ជាជនសង្ស័យជិះម៉ូតូម៉ាកស្កូបពី ពីក្រោយខ្នងចំនួន០២គ្រាប់ បានឲ្យដួលម៉ូតូស្លាប់ភ្លាមៗនៅកន្លែងកើតហេតុ។


បច្ចុប្បន្នសពជនរងគ្រោះត្រូវបានកម្លាំងសមត្ថកិច្ចធ្វើការកុសល្យវិច្ច័យរួចត្រូវបានយកទៅតម្កល់នៅវត្ត ទឹកថ្លា ប្រគល់ជូនសាច់ញាតិ​មកទទួលធ្វើបុណ្យតាមប្រពៃណី។


ថ្ងៃចេញផ្សាយ: Wednesday, November 02, 2022 | Categories:

Sunday, October 30, 2022

ល្បែងបាញ់កាំជ្រួចនៅច្រកជាំ ស្រុកអន្លង់វែង ខេត្តឧត្ដរមានជ័យ ប្រជាពលរដ្ឋមានការងឿងឆ្ងល់ថាហេតុអ្វីបានល្បែងនេះបិទមិនបាន

អ្នកទស្សនា: Views

 



 ប្រភពពីប្រជាពលរដ្ឋរស់នៅក្នុងច្រកជាំស្រុកអន្លង់វែង ខេត្តឧត្ដរមានជ័យ បានឲ្យដឹងថា នៅតាមព្រំដែនខ្មែរ - ថៃ ក្នុងមូលដ្ឋាន ពួកគាត់មានគេបើកលេងល្បែងភ្នាល់ បាញ់កាំជ្រួចដែលជាល្បែង ពេញនិយមក្នុង ខេត្តឧត្ដរមានជ័យ ។ ប្រជាពលរដ្ឋបានឲ្យដឹងទៀតថា ក្នុងការភ្នាល់បាញ់កាំជ្រួចម្ដងៗ មានអ្នក ចាញ់ឈ្នះអស់លុយរាប់ពាន់រាប់ម៉ឺន ដុល្លារ ហើយមិនទាន់ឃើញមានមន្ត្រី អាជ្ញាធរ និងសមត្ថកិច្ចមូលដ្ឋាន ចាត់វិធានការបង្ក្រាបល្បែងស៊ីសង ខុសច្បាប់នោះដែរ ។ មន្ត្រីអាជ្ញាធរ និង សមត្ថកិច្ច នគរបាល ក្នុងច្រកជាំស្រុកអន្លង់វែង ក៏ដូចជា លោកអភិបាលស្រុកអន្លង់វែង និង លោកអធិការនគរបាល ស្រុកអន្លង់វែង បាន រក្សាភាពស្ងៀមស្ងាត់ទុកឲ្យ ល្បែងភ្នាល់បាញ់កាំជ្រួចកើតឡើង យ៉ាងអនាធិបតេយ្យហើយមាន អ្នកចូលរួមលេងយ៉ាងច្រើនកុះករ ។


 បើតាមការអះអាងរបស់ ប្រជាពលរដ្ឋ ក្នុងច្រកជាំស្រុកអន្លង់វែង ខេត្តឧត្តរមានជ័យ បានឲ្យដឹងថាទីតាំង លេងល្បែងបាញ់កាំជ្រួចគឺនៅចំណុច ច្រកជាំស្រុកអន្លង់វែងជិតកាស៊ីណូជាប់ព្រំប្រទល់ ខ្មែរ - ថៃ ច្រកជាំ ស្រុកអន្លង់វែង ខេត្តឧត្តរមានជ័យ ហើយ មានការឃុបឃិតពីសំណាក់មន្ត្រី អាជ្ញាធរនិងសមត្ថកិច្ចមូលដ្ឋានទើបអ្វីៗ អាចដំណើរការយ៉ាងរលូន ។ សេចក្ដីរាយការណ៍ ពីប្រជាពលរដ្ឋ បានឲ្យដឹងថា នៅពេលគេបាញ់ កាំជ្រួច ម្ដងៗលាន់ឮសំឡេងខ្ទ័រមេឃ ហើយមានផ្សែងហុយយ៉ាងខ្លាំងពេញ ខាងលើតំបន់ច្រកជាំ ក្នុងស្រុកអន្លង់វែង ខេត្តឧត្តរមានជ័យ។  


ប៉ុន្តែគ្មានមន្ត្រីអាជ្ញាធរនិងសមត្ថកិច្ច មូលដ្ឋានណាចុះទៅចាត់វិធានការ ទប់ស្កាត់នោះទេ ហើយបណ្ដោយឲ្យ ល្បែងបាញ់កាំជ្រួចដែលជា ល្បែងស៊ីសងខុសច្បាប់រាលដាល កាន់តែខ្លាំងថែមទៀត ។

ប្រជាពលរដ្ឋបានអំពាវនាវ យ៉ាងទទូច ឲ្យលោកស្នងការនគរបាល ខេត្តឧត្ដរមានជ័យ និងលោក ប៉ែន កុសល អភិបាលខេត្ត ឧត្ដរមានជ័យ ចាត់វិធានការទប់ស្កាត់ល្បែងបាញ់ កាំជ្រួចនៅជិតចំណុចច្រកជាំ ស្រុកអន្លង់វែង ជាបន្ទាន់ផងទាន ។ ដោយហេតុថាសំឡេងផ្ទុះនៃកាបាញ់កាំជ្រួចមានសំលេងរំខានយ៉ាងខ្លាំងដល់ការរស់នៅរបស់ពួកគាត់ដែលរស់នៅជិតតំបន់ច្រកជាំ ស្រុកអន្លង់វែង ហើយផ្សែងកាំជ្រួចក៏ធ្វើឲ្យប៉ះពាល់ ដល់សុខភាពប្រជាពលរដ្ឋទៀតផង ។ 


ប្រជាពលរដ្ឋបានលើកឡើងថា ទំនងជាលោកអភិបាលស្រុកអន្លង់វែង និង លោកអធិការនគរបាល ស្រុកអន្លង់វែង ខេត្តឧត្តរមានជ័យ ទទួលបានផលប្រយោជន៍ពីអ្នកបើក ល្បែង បាញ់កាំជ្រួចនៅក្នុងច្រកជាំ ស្រុកអន្លង់វែងហើយទើបពួកគាត់រក្សាភាព ស្ងៀមស្ងាត់ហើយមិនខ្វល់ពីផលប៉ះពាល់ដល់ការរស់នៅរបស់ ប្រជាពលរដ្ឋ ក្នុងមូលដ្ឋានទាល់តែសោះ៕






ថ្ងៃចេញផ្សាយ: Sunday, October 30, 2022 | Categories:

Tuesday, October 25, 2022

ក្រុមកីឡាករទូកអធិរាជឥន្ទ្រីសែនជ័យបារមីដូនពេញ កងរាជអាវុធហត្ថរាជធានីភ្នំពេញ ទទួលបានការឧបត្ថម្ភគាំទ្រពី លោកឧត្តមសេនីយ៍ឯក រ័ត្ន ស្រ៊ាង

អ្នកទស្សនា: Views

 



ទូកអធិរាជឥន្ទ្រីសែនជ័យបារមីដូនពេញ ជាទូកតំណាងឱ្យបញ្ជាការដ្ឋាន កងរាជអាវុធហត្ថរាជធានីភ្នំពេញ គឺធ្លាប់ទទួលបានជ័យលាភីចំណាត់ថ្នាក់លេខ១ ចំនួន៣ឆ្នាំជាប់ៗគ្នា គឺឆ្នាំ២០១៧, ឆ្នាំ២០១៨ និងឆ្នាំ២០១៩ ក្នុងការប្រណាំងទូក នៅឯទន្លេវ៉ៃគោ ខេត្តស្វាយរៀង តែដោយសារតែវិបត្តិនៃជំងឺកូវីដ-១៩ បានធ្វើឲ្យមានការអាកខានរយៈពេល០២ឆ្នាំ ទើបតែឆ្នាំ២០២២ នេះ នឹងមានការប្រារព្ធពិធីឡើងវិញ។


នារសៀលថ្ងៃទី២២ ខែតុលា ឆ្នាំ២០២២ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានចាត់ឲ្យតំណាង ដែលមានលោក ឧត្តមសេនីយ៍ត្រី ម៉ក់ សាវុទ្ធី មេបញ្ជាការរង កងរាជអាវុធហត្ថរាជធានីភ្នំពេញ បានអញ្ជើញជួបសំណេះសំណាល ជាមួយក្រុមកីឡាករទូកអធិរាជឥន្ទ្រីសែនជ័យបារមីដូនពេញ កងរាជអាវុធហត្ថរាជធានីភ្នំពេញ នឹងត្រូវទៅចូលរួមការប្រកួត ប្រណាំងទូក នៅឯទន្លេវ៉ៃគោ ខេត្តស្វាយរៀង នៅថ្ងៃទី២៩-៣០ ខែតុលា ឆ្នាំ២០២២ ខាងមុខនេះ ដើម្បីការពារជ័យលាភីចំណាត់ថ្នាក់លេខ១ របស់ខ្លួនឡើងវិញ។


នាឱកាសនោះ លោកឧត្តមសេនីយ៍ត្រី ម៉ក់ សាវុទ្ធី បានពាំនាំមតិផ្តាំផ្ញើសាកសួរសុខទុក្ខ ពីសំណាក់ លោកឧត្តមសេនីយ៍ឯក រ័ត្ន ស្រ៊ាង និងជូនពរដល់កីឡាករ ទូក ទាំងអស់ ដែលត្រៀមចេញទៅប្រកួត សូមឲ្យទទួលបានជ័យលាភី ក៏ដូចជាកិត្តិយស ជូនដល់អង្គភាព កងរាជអាវុធហត្ថរាជធានីភ្នំពេញ ជាមួយគ្នានោះ លោក ឧត្តមសេនីយ៍ឯក មេបញ្ជាការ ក៏បានឧបត្ថម្ភគាំទ្រក្នុងការចំណាយរួមមានថវិកាចំនួន ២៥,៨០០,០០០ រៀល (ស្មើនឹង ៦,៤៥០ដុល្លារ), សម្លៀកបំពាក់កីឡាចំនួន៨០កំប្លេ, អង្ករ ចំនួន ១៥ ការុង ស្មើ ៣៥០ គីឡូក្រាម , មី ចំនួន ១៩កេស, ត្រីខ ចំនួន ០២កេស, ទឹកសុទ្ធ និងភេសជ្ជះចម្រុះ ចំនួន៧៤កេស សម្រាប់ជូនដល់ក្រុមកីឡាករផងដែរ៕








ថ្ងៃចេញផ្សាយ: Tuesday, October 25, 2022 | Categories:

Monday, October 17, 2022

លោក​ សុធា​ ពិសិដ្ឋ​ ព្រះរាជអាជ្ញារង​ នៃអយ្យការអមសាលាដំបូងខេត្តកំពង់ចាម ដឹកនាំផ្ទាល់ចុះបង្ក្រាបករណី​ លួចលេងល្បែងសុីសងខុសច្បាប់ (ជល់មាន់ភ្នាល់ដាក់ប្រាក់)។

អ្នកទស្សនា: Views

 


ខេត្តកំពង់ចាម ៖ នៅថ្ងៃទី១៥ ខែតុលា ​ ឆ្នាំ២០២២​ វេលាម៉ោង១១ និង០០នាទី បន្ទាប់ពីទទួល​ បានបណ្តឹងពីប្រជាពលរដ្ឋភ្លាម លោកឧត្តមសេនីយ៍​ទោ ឯម កុសល ស្នងការនគរបាលខេត្តកំពង់ចាម បានបញ្ជាដល់កម្លាំងជំនាញរបស់ផែនការងារនគរបាលព្រហ្មទណ្ឌ សហការជាមួយ កម្លាំងជំនាញរបស់អធិការដ្ឋាននគរបាលស្រុក​ជេីងព្រៃ និងអាជ្ញាធរមូលដ្ឋាន ដោយក្នុងកិច្ចប្រតិបត្តិការក្រោមការដឹកនាំសម្របសម្រួលផ្ទាល់ពី លោក​ សុធា​ ពិសិដ្ឋ​ ព្រះរាជអាជ្ញារង​ នៃអយ្យការអមសាលាដំបូងខេត្តកំពង់ចាម ចុះបង្ក្រាបករណី​ លួចលេងល្បែងសុីសងខុសច្បាប់ (ជល់មាន់ភ្នាល់ដាក់ប្រាក់) នៅចំណុច​ក្រោមដេីមស្វាយ​ ស្ថិតក្នុងភូមិសណ្ដែក​ ឃុំសំពងជ័ង​ ស្រុកជេីងព្រៃ​ ខេត្តកំពង់ចាម ។


ជាលទ្ធផលយើងបង្រ្កាបចាប់ឃាត់ខ្លួនបានមុខសញ្ញាចំនួន០៣នាក់គឺ៖​

​    ១-ឈ្មោះ​ ញិល​ ថេត​ ភេទប្រុស​ អាយុ៣៤ឆ្នាំ​ ជាតិខ្មែ​រ នៅភូមិសំពងជ័យ​ ឃុំសំពងជ័យ​ ស្រុកជេីងព្រៃ​ ខេត្តកំពង់ចាម​ ។ 

​    ២-ឈ្មោះ​ វ៉ន​ វឿន​ ភេទប្រុស​ អាយុ៦១ឆ្នាំ​ ជាតិខ្មែ​រ នៅភូមិសណ្ដែក ឃុំសំពងជ័យ​ ស្រុកជេីងព្រៃ​ ខេត្តកំពង់ចាម​ ។     

     ៣-ឈ្មោះ​ ម៉ុន​ ភ័ណ្ឌ​ ភេទប្រុស​ អាយុ៣៥ឆ្នាំ​ ជាតិខ្មែ​រ​ នៅភូមិដូនតោ ឃុំសំពងជ័យ​ ស្រុកជេីងព្រៃ​ ខេត្តកំពង់ចាម​ ។ 


និងដកហូតវត្ថុតាងរួមមាន ÷

​    ១-​ប្រាក់រៀល​ចំនួន ៩៨,០០០រៀល​ (ប្រាំបួនម៉ឺនប្រាំបីពាន់រៀល)

     ២-ទូរស័ព្ទដៃចំនួន០២គ្រឿង

     ៣-ស្កុតរំខ្នាយមាន់ចំនួន០៦គូ

     ៤-ម៉ូតូចំនួន០១គ្រឿង(ប្រគល់ឲ្យប៉ុស្តិ៍នគរបាលរដ្ឋបាលសំពងជ័យរក្សាទុក)


បច្ចុប្បន្ន​ជនសង្ស័យចំនួន០៣នាក់ រួមនឹងវត្ថុតាងខាងលើ ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ចាម ដើម្បីចងក្រងសំណុំរឿងតាមនីតិវិធី ​តាម​បញ្ជាលោក​ សុធា​ ពិសិដ្ឋ ​ព្រះ​រាជ​អាជ្ញារង​ នៃអយ្យការអម​សា​លា​ដំបូង​ខេត្ត​កំពង់ចាម​  ​៕





ថ្ងៃចេញផ្សាយ: Monday, October 17, 2022 | Categories:

Saturday, October 1, 2022

លោក គាត ហ៊ុល អភិបាលក្រុង និងលោក វ៉ា ជឹមណារ៉េត ចៅសង្កាត់អូរជ្រៅ រួមជាមួយក្រុមការងារបាននាំយកសម្ភារៈស្បៀងអាហារជាអំណោយរបស់ឯកឧត្តមនាយឧត្តមសេនីយ៍ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន

អ្នកទស្សនា: Views

  ប្រធានក្រុមការងាររាជរដ្ឋាភិបាលចុះ


ជួយមូលដ្ឋានខេត្តបន្ទាយមានជ័យ និងលោកជំទាវ ផ្តល់ជូនបងប្អូនប្រជាពលរដ្ឋចំនួន៧៧គ្រួសារដែលបានជម្លៀសមកកាន់ទីទួលសុវត្ថិភាពបន្ទាប់ពីទឹកអូរព្រំដែនកើនជន់លិចលំនៅដ្ឋានរបស់ពួកគាត់ និងចុះផ្តល់ដល់ទីតាំងខ្នងផ្ទះចំនួនជាង៦០គ្រួសារ ក្នុងភូមិប៉ោយប៉ែត និងភូមិក្បាលកោះ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។


ខ្ញុំសូមអំពាវនាវដល់បងប្អូនប្រជាពលរដ្ឋដែលមានលំនៅដ្ឋានតាមបណ្តោយមាត់អូរព្រំដែនសូមថែរក្សាសុខភាពឲ្យបានខ្ជាប់ខ្ជួន ត្រូវយកចិត្តទុកដាក់ និងប្រុងប្រយ័ត្នខ្ពស់លើសុវត្ថិភាព ជាពិសេសចំពោះកុមារតូចៗ និងសត្វអសិរពិសដែលអាចបង្ករគ្រោះថ្នាក់ជាយថាហេតុ ។ ក្នុងករណីមានអាសន្នត្រូវទំនាក់ទំនងមកអាជ្ញាពាក់ព័ន្ធជាបន្ទាន់ដើម្បីអន្តរាគមន៍បានទាន់ពេលវេលា។


ក្រុងប៉ោយប៉ែត,ថ្ងៃសៅរ៍ ៦ កើត ខែអស្សុជ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១ ខែតុលា ឆ្នាំ២០២២។







ថ្ងៃចេញផ្សាយ: Saturday, October 01, 2022 | Categories:

Wednesday, September 28, 2022

សមត្ថកិច្ចស្រុកអង្គស្នួលឃាត់ខ្លួនអ្នកកាសែតម្នាក់ករណីកាន់កាប់និងប្រើប្រាស់អាវុធខុសច្បាប់និងធ្វើឲ្យខូចខាតដោយចេតនាមានស្ថានទម្ងន់ទោស ...

អ្នកទស្សនា: Views

 



(ខេត្តកណ្តាល) 

ថ្ងៃទី២៧ខែកញ្ញា ឆ្នាំ២០២២វេលាម៉ោង១៤និង៣០នាទី។

កើតហេតុនៅត្រង់ចំណុចផ្លូវជាតិលេខ៤ភូមិមនោរម្យឃុំបែកចានស្រុកអង្គស្នួល ខេត្តកណ្តាល។

ជនរងគ្រោះចំនួន ០២នាក់

១-ឈ្មោះសួង បូនិច ភេទប្រុសអាយុ៣៤ឆ្នាំ ជនជាតិខ្មែរមុខរបរបើកបរនៅភូមិតាសេក សង្កាត់កំបូលខណ្ឌកំបូលរាជធានីភ្នំពេញ (ម្ចាស់រថយន្តកាមរីបាឡែន)។

២-ឈ្មោះណាត បូផាន់ ភេទប្រុសអាយុ២៧ឆ្នាំ ជនជាតិខ្មែរមុខរបរ ចុងភៅរោងការនៅភូមិគម្ពោធស្បូវឃុំបែកចាន ស្រុកអង្គស្នួល ខេត្តកណ្ដាល(ម្ចាស់រថយន្តហាយឡែនឌ័រ)។


ជនសង្ស័យ០១នាក់

ឈ្មោះញឹកសុវុត្ថាហៅស្រួច ហៅថាច(មានសារធាតុញឿន) ភេទប្រុសអាយុ៣៧ឆ្នាំ ជនជាតិខ្មែរមុខរបរអ្នកយកសារព័ត៌មានសង្គមអភិវឌ្ឍន៍នៅភូមិបុរីកម្មករសង្កាត់ទឹកថ្លា ខណ្ឌសែនសុខរាជធានីភ្នំពេញ(ឃាត់ខ្លួន)។

វត្ថុតាងចាប់យក

១-អាវុធខ្លីម៉ាក G-Lock19 (ឡុក19) (USA) RTP75555 ០១ដើម បង់០១ គ្រាប់០១សំបកកាទូសចំនួន០២ ។

២-ប័ណ្ណព័ត៌មាន គេហទំព័រសង្គមអភិវឌ្ឍន៍០១និងលិខិតបញ្ជាបេសកម្ម ០១។


៣-កាបូបស្ពាយសម្រាប់អាវុធ០១កូនសោឡានលុចស៊ីស០១និងជ័រសម្រាប់ដាក់គ្រាប់កាំភ្លើងចំនួន០២។

៤-ម៉ូតូមួយគ្រឿងម៉ាក ADV ពណ៌ស ឆ្នាំ២០២១ពាក់ផ្លាកលេខភ្នំពេញ 1JE-3621។

ផល់ប៉ះពាល់ខូចខាត

-រថយន្តម៉ាកកាមរីបាឡែនពណ៌ទឹកប្រាក់ ឆ្នាំ២០០៣ពាក់ផ្លាកលេខភ្នំពេញ 2BC-4568ត្រូវចំទ្វាមុខ ខាងស្ដាំ ០១គ្រាប់។

-រថយន្តម៉ាកហាយឡែនឌ័រពណ៌ស ឆ្នាំ២០០១ ពាក់ផ្លាកលេខភ្នំពេញ 2AD-4931ត្រូវចំស្តុបឆ្វេងខាងក្រោយ ០១គ្រាប់និងចំថ្ពល់មុខខាងឆ្វេង០១គ្រាប់។

លោកវរសេនីយ៍ឯកមាន សំណាងអធិការស្រុកអង្គស្នួលបានឲ្យដឹងថា!

នៅថ្ងៃខែឆ្នាំវេលាម៉ោងកើតហេតុផ្នែកជំនាញបានទទួលព័ត៌មានពី ប៉ុស្ដិ៍នគរបាលបែកចាន ថាមានមុខសញ្ញាមានឈ្មោះដូចខាងលើ បានជិះម៉ូតូម៉ាក ADV ពណ៌សឆ្នាំ២០២១ពាក់ផ្លាកលេខភ្នំពេញ 1JE-3621កាន់អាវុធខ្លីមួយដើមបាញ់រថយន្ដអ្នកដំណើរតាមដងផ្លូវជាតិលេខ៤ក្រោយពីទទួលបានព័ត៌មាន កម្លាំងអន្តរាគមន៍អធិការដ្ឋាននគរបាលស្រុកអង្គស្នួលសហការណ៍ជាមួយកម្លាំងប៉ុស្ដិ៍បានតាមស្ទាក់ទើបឃាត់ខ្លួនជនសង្ស័យបាននៅចំណុចផ្លូវជាតិលេខ៤ភូមិជ្រៃមង្គលឃុំដំណាក់អំពិលស្រុកអង្គស្នួលខេត្តកណ្ដាល ហើយបាននាំទៅអធិការដ្ឋាននគរបាលស្រុកដើម្បីសួនាំបន្តតាមនីតិវិធី។

ចម្លើយសារភាពថា៖

ខ្លួនបានបាញ់ចំនួន ០៤គ្រាប់ត្រូវរថយន្ត ០៣គ្រាប់មុនពេលមកដល់ស្រុកអង្គស្នួល គឺបានបាញ់នៅភ្នំពេញ ជាច្រើនគ្រាប់។

មូលហេតុខឹងប្រពន្ធ (បឋម)ជំនាញកំពង់បន្តនីតិវិធី។






ថ្ងៃចេញផ្សាយ: Wednesday, September 28, 2022 | Categories: